周柏豪2017年3月21日的故事


Pin It
周柏豪保男神形象 袁偉豪撻地任砌 2017年3月21日

男神周柏豪、苗僑偉(三哥)和袁偉豪(Ben)前日為無綫新劇《使徒行者2》拍攝互毆場面,拳拳到肉!柏豪劇中被包裝成一名「格鬥高手」,將阿Ben打到飛起,力保靚仔樣的他「筍位」多多,相信無綫是想以此作餌,打算將柏豪收歸旗下做「親生仔」,鞏固男一班底!無綫近年不斷流失小生、花旦,為了補位已密密將第二梯隊的演員力谷上一線,包括袁偉豪及楊明等,並邀請了不少前輩級演員如羅嘉良、張衞健及吳岱融等重返無綫坐鎮,令劇集陣容更有睇頭!例如今次無綫重頭劇《使徒行者2》陣容強勁,參演藝員包括三哥、阿Ben、周柏豪、宣萱、黃翠如、馬國明及麥明詩等,劇集將於香港及內地網站愛奇藝同步播出,市場甚大,而製作隊更鎖定柏豪為「潛力視星」,有信心助他成功入屋!在劇本處理上,柏豪的角色被包裝成一名「格鬥高手」,將阿Ben打到飛起,柏豪全程力保靚仔形象,相信無綫是想以此作餌,將柏豪收歸旗下做「親生仔」! 兇狠樣盡現《使徒2》臨近煞科,前日在打鼓嶺拍攝打鬥場面,瞓身演出的阿Ben和柏豪更埋身肉搏,打到飛起!期間,柏豪「格鬥高手」上身,使出過肩摔令阿Ben撻到攤攤腰,緊接再拿起鐵筆狂毆,雖然阿Ben的被毆鏡頭由替身上陣,但畫面的兇狠程度同樣令人睇到眼凸!打到飛起的柏豪力保靚仔樣,而且做足安全措施,問到動作戲如此危險,老婆會否很擔心?向來低調處理感情事的他未有談及老婆,只說:「我相信公司同歌迷會擔心多啲,因為演唱會就到,雖然好多動作想自己做番,但佢哋都想我少啲受傷。