張雲正2017年3月21日的故事


Pin It
政情:中醫未納公僕福利 張雲正代受靶 2017年3月21日

畀多名議員狂質,搞到張雲正不斷重複,指現時中醫規管仍未達完善,而且衞生署只係近年先開始籌組規管,又強調呢個講法並非屏障,只係中醫業嘅規管架構基本上仍未成形啫!其實都有議員明白問題唔係出喺張雲正身上,好似議員葉劉淑儀就直言同張雲正無關,核心係政府無將中醫納入公營醫療架構,揚言會作跟進添!郭偉強打尖發問捱轟葉劉除咗還張雲正一個公道外,更幫理不幫親!事緣委員會主席郭偉強為容海恩追問中醫問題,身為容海恩黨友嘅葉劉就力斥郭偉強打尖,認為追問都要排隊,搞到郭偉強要以笑遮醜,臨尾都唔敢再發問,話打尖當問咗喎。