黎姿想做社工幫人


2007-12-01 07:00

跟蹤提及過的人和物:

上一則新聞: 王君馨傳授扮靚秘笈

 

【蔡穎怡澳門直擊】黎姿昨日佩戴三百五十萬鑽飾,身穿Valentino低胸裙出席活動,揚言明年不會拍劇,除專心照顧康復中的弟弟黎嬰及打理診所外,更會投身慈善工作。對於是否息影,黎姿說:「好難講。」

昨日黎姿、周汶錡、周麗淇和李彩華到澳門出席「星際一周年慶典@稻菊日本料理」活動時,除周麗淇露背外,其餘三位都以低胸示人。當中以黎姿佩戴三百五十萬首飾最為搶鏡,四位美女進行打手印儀式時,頓時展現誘人身材。現為新劇《珠光寶氣》趕工的黎姿坦言是次酬勞會有六位數字。她更言《珠》劇拍到十二月尾後,便開始還廣告債:「廣告商好支持我,有時我期太密,佢都唔介意等,仲幫我renewcontract。」

身體力行做慈善
黎姿又言下年將多做慈善工作,例如到山區探訪或探訪孤兒,身體力行做慈善。她承認因為今年發生不少事包括弟弟出事,令她有所改變。黎姿亦表示下年將主力照顧弟弟及替他打理診所生意,她說:「診所有好多要處理,雖然辛苦,但拍完劇之後可以全身投入執番間公司。」(是否打算從商?)她說:「唔可以咁講,我之前拍十年戲,我覺得錢唔係最令我開心。做慈善幫到人,反而更有滿足感,或者我會做做變社工都唔定。(從此息影?)好難講,人成日以為我唔拍戲就係結婚,其實我都可以做社工同慈善大使。」

見弟堅強感安慰
對於明年不拍劇,黎姿說因為太忙,只向樂易玲略為提過。黎姿亦言弟弟黎嬰十分堅強:「佢進步緊,每日我見佢努力地用幾個鐘頭做物理治療,見到佢咁strong我好安慰。」

文:名人組

美眉打造至索靚相視頻盡展現
《北京超女》專輯黎姿以性感裝束出席酒店活動。

贊助商:

討論:
分享: