絲絲講場:唐雙寧書法展大開眼界


2009-11-12 07:00

跟蹤提及過的人和物:

上一則新聞: 絲絲講場:周文耀臨別獲特獎?

 

光大集團董事長唐雙寧寫得一手靚字,佢自創嘅「飛狂草書」享譽書法界,聽聞作品仲畀人民大會堂及國家博物館等用嚟收藏。絲絲一直無緣觀賞佢嘅大作,不過尋日就好開心,事關收到佢嘅邀請,去咗睇佢嘅個人書法展,真係睇到目不暇給,突然覺得唐總啲字好「型」。

各界老友邀請搞展覽



光大老友話,今次唐總呢個書法展籌備咗都有成幾個月,係各界老友聯合邀請唐總搞,畀大家開吓眼界,唐總以前喺美國及日本都搞過書法展,反應唔錯,今次應邀一連三日嘅展出,係第一次喺香港搞,亦順便想答謝與光大合作咗好多年嘅各方老友。至於今次展出嘅幾十幅作品中,唐總個人最鍾意係張「山」字,佢無講係乜嘢原因,絲絲雖然係外行人,但覺得佢寫得好有氣勢,似係畫多啲。

喺個展覽度,絲絲又見到光大控股(00165)行政總裁陳爽笑笑口咁招呼朋友睇展覽,絲絲行過去問一向鍾意收藏字畫嘅陳總,有無收藏唐總嘅書法,佢話有,就係唐總送畀佢嘅「君子懷德」四個大字,證明咗唐總對佢一直以嚟喺光大表現嘅肯定,唔怪得陳總成日笑到口都合唔埋啦。

余絲韻

贊助商:

討論:
分享: