政情:華員會轟俞宗怡盲塞


2010-11-17 07:00

跟蹤提及過的人和物:

上一則新聞: 政情:立會查迷債拖到證人失蹤

 

國情教育係今年施政報告嘅重點之一,每年亦有唔少公務員北上參加國情研習班。不過,原來依家任何北上嘅公務員,都必須要遵守防貪指引,向上司申報咗利益再應付一大輪官僚程序先可以去。聲稱擁有最多會員嘅公務員工會華員會向港府發炮,矛頭直指公務員事務局局長俞宗怡處事僵化兼食古不化。

任何公務員參加國情研習班都必須先向部門申報,華員會喺新一期會訊度批評,國情研習班佢哋已參加咗多年,一向都由直屬國家級機關主辦,而公務員亦只為了解國情先參加,直言堂堂國家級機關唔會想藉此賄賂本港公務員,雙方並唔存在利益衝突,唔明點解港府仲要咁「食古不化」、僵化地硬要佢地跟足現行指引。

另外,佢哋又狠批喺施政報告中不斷強調要收窄貧富懸殊嘅港府,身為全港最大僱主,竟然學埋商界啲衰嘢,令高低級公務員嘅薪酬調整「高的高」、「低的低」,強烈要求佢哋「撥亂歸正」,快手啲收窄番公務員嘅收入差距先好講嘢喎!

贊助商:

討論:
分享: