黎淑賢拖老公睇靚女冇有怕


2010-12-16 07:00

跟蹤提及過的人和物:

上一則新聞: 姜文杰無懼頒獎禮食白果

 

當選95年亞洲小姐亞軍兼「最上鏡小姐」的黎淑賢,十五年後雖已是三子之母,但仍然keep得很好,可算是一眾選美女士的指標!早前中國小姐澳門賽區更邀請她擔任評判,靚女選靚女當然質素更佳。

甚具審美眼光的黎淑賢(Bonnie),今次為選美擔任評判可謂手到拿來,不過她經當晚的評審後,坦言對新一代女生另有一番「見識」,還謙言自己當年是「符碌」當選:「依家啲女仔好叻,如果畀我再返轉頭選美,都要好好裝備自己先可以出場鬥靚,因為個個才華都高,例如書法、拉小提琴都到演奏級,質素好高。(比起自己?)覺得自己『符符碌碌』,得個樣靚靚哋囉!」

「佢覺得我靚啲」



此行Bonnie有老公許智政陪同出席,問她擔不擔心老公「大開眼界」?Bonnie笑說:「專登搵佢陪,咁先睇到個老婆都幾靚,(咁睇完其他佳麗之後老公畀你咩評價?)佢覺得我靚啲!」

自信乃首要條件



有老公愛錫的Bonnie,言談間流露幸福之情,但並未沖昏頭腦,對評審標準仍很清晰,Bonnie以過來人身份表示選美的條件一定要夠自信及獲家人支持,否則很難「撐」落去。她說:「我選嗰年都係得十七歲,細細個選美,家人支持好重要,年輕接觸呢個圈亦有好處,咪當自己一張白紙咁,適應能力更強,所以今次當選嘅三甲,都係得『十八廿二』咋!」

文:影視組

贊助商:

討論:
分享: