陳法蓉晒料一線震娜姐


2010-12-18 07:00
上一則新聞: 11℃勁凍 Wonder Baby冇影

 

日前本報獨家報道周秀娜及楊梓瑤(Carol)在新片《猛男滾死隊》中「鬥波」鬥得難分難解,昨日二人再為電影開工之際,卻被身穿低胸裝,大晒事業線的前輩陳法蓉搶盡風頭!

王晶執導及監製的新片昨日於跑馬地墳場進行拍攝,一眾演員王晶、曾志偉、杜汶澤、狄易達、周秀娜、楊梓瑤、陳法蓉、張可頤、麥玲玲、朱裕琳、楊思敏、徐自賢及江怡等皆有現身,其中陳法蓉更是首日開工便搶盡風頭!

大婆正過二奶



由於昨日拍攝的場口是眾人送別由吳耀漢飾演的滾友前輩最後一程,故大部分演員均穿上樸素戲服,令周秀娜及Carol的好身材無用武之地,反觀陳法蓉雖然外加了一件外套,但內裏的低胸黑色長裙仍是焦點所在,無懼寒風的她大晒事業線,搶鏡程度贏盡一班o靚模後輩,連周秀娜也大讚她的身材「真係正」,而飾演王晶老婆的陳法蓉,與王晶的戲內情人朱裕琳三人合照時,連杜汶澤也不禁表示:「呢啲咪大婆正過二奶咯!」

對於風頭盡蓋後輩,陳法蓉笑言:「點會吖,佢哋青春無敵呀!(周秀娜讚你身材正?)佢都正!尋晚我哋拍通宵,阿澤影周秀娜瞓咗個樣,佢連瞓覺個樣都靚。」

今年拍8廣告



陳法蓉透露月底會到內地拍攝今年第八個廣告,可謂過肥年,問她可希望放長假休息?她謂:「我屋企個菲傭因為債務問題離開咗,我一放假就要做屋企嘢,返工可能舒服啲!我都有少少失望,因為佢同財務公司公開咗我嘅身份同電話。」

Carol對於被陳法蓉搶盡風頭說:「靚咪得咯,大家都靚!(你同陳法蓉邊個靚啲?)咁梗係佢啦!」

文:影視組



贊助商:

討論:
分享: