陳秀雯撐青少年行善唔講錢


2011-04-29 07:00

跟蹤提及過的人和物:

上一則新聞: 林子曦靠音樂走出黑道

 

陳秀雯近日雖受到與亞視薪酬爭拗一事困擾,但無礙她做善事,月來都忙於為新舞台劇排練,為的是喚起大眾對一班無依靠的青少年成長作出關注。

陳秀雯應好拍檔監製楊紹鴻的召集,在六月演出舞台劇《情歸何處》,望協助「香港學生輔助會」獲大眾認識及有更多受助,陳秀雯說:「楊生接觸咗個會,想幫手等社會關注吓呢班青少年,佢哋都係因家庭問題被安排入住宿舍,令佢哋有自卑感。青少年十至十八歲成長環境對人生觀影響好重要,我嚟宿舍睇過覺得幾好,啲小朋友都有份做戲,佢哋喺台上有衝勁、活力,今次參與望香港人畀多啲關心愛護佢哋。」故陳秀雯在未收劇本及不問酬勞的情況下,早就舉手支持參與。

姜皓文曾住輔助會



除陳秀雯外,亞視演員姜皓文、劉家聰等都有份演出,原來姜皓文更是出自香港學生輔助會,十歲時曾在此宿舍住了五年,今次參與更是義不容辭:「我返嚟就好似返屋企咁,當年因媽媽唔喺度,爸爸照顧唔到我而被安排入嚟住,其實唔係我自己有問題,但被外間人誤會係我有問題,所以呢度啲小朋友都有自卑感。不過今次返嚟見到啲細路,情況好好多,因為畀人照顧得好好,上咗軌道,但都希望可再幫多啲。」

另有份演出的劉家聰、Kellyjacky,都表示能跟前輩合作而感到高興。

文:影視組 攝:李柏儒

贊助商:

討論:
分享: