政情:「選舉常客」又嚟選特首


2011-09-04 07:00

跟蹤提及過的人和物:

上一則新聞: 政情:「舊電池」垃圾料美領事也中招

 

繼「巴士阿叔」陳乙東之後,又有一位「選舉常客」表態有意參選下屆特首,佢就係參加過○七年特首選舉同○八年立法會港島區補選嘅李永健。李永健過去以大律師身份參選,今次佢就話已經冇做大狀喇,原因係想專心迎戰今次選舉,起碼比啲遲遲唔肯辭去公職,並涉嫌濫用公共資源同公職身份拉票嘅疑似候選人有誠意得多!

李永健喺發畀傳媒嘅初步政綱中承諾,一旦當選特首,會捐出一半薪酬畀慈善機構,而且每日最少工作十二小時,並一定會對犯錯官員作出懲處,包括下台。雖然估計佢九成九九都攞唔到足夠選委提名,但佢嘅政綱其實幾啱聽,實際過啲成日講錯嘢同淨係識得插政府抽水嘅人選。

李永健又同我哋淺評咗另外幾位疑似候選人,話全國人大常委范徐麗泰夠晒高招,「扭扭擰擰」遲遲唔公布政綱;行政會議召集人梁振英就明顯好想做特首,但似乎好難相處,同現有問責班子關係唔好;而政務司司長唐英年就人緣較好,但過往嘅工作同言論令人摸不着頭腦,難以評論佢嘅真正才能喎!

贊助商:

討論:
分享: