中環出更:許曉暉探鴨寮街市道


2013-02-09 07:00

跟蹤提及過的人和物:

上一則新聞: 中環出更:趙樓神:投資要學蛇

 

市民呢幾日都忙於辦年貨,連民政事務局副局長許曉暉(Florence)都唔例外。卓妮尋日就喺深水埗鴨寮街撞到Florence,身旁仲有深水埗民政專員莫君虞,原來兩人「行孖咇」到鴨寮街一帶了解市道。現場好多攤檔都放咗好多極富新年氣氛嘅商品,好似賀年衣服、擺設等一應俱全,Florence行行吓索性睇吓有乜需要買,最後喺間小商舖買咗張「龍馬精神」嘅揮春應節,希望蛇年個個人都精神奕奕。

支持社企產品



Florence突然微服私訪深水埗,相信事前冇乜人會估到,但熟悉佢嘅人都知道,Florence好支持社會企業產品,好似去年農曆新年同中秋節,佢都係以社企產品來送禮,所以有人估佢年近歲晚到深水埗為小商舖東主打打氣絕對唔出奇。講開新年送禮,唔知Florence今年係咪都係鎖定社企出品作送禮之用呢?

贊助商:

討論:
分享: