Aimee展鵬愛得曖昧臨尾一咀


2014-01-16 07:00

跟蹤提及過的人和物:

上一則新聞: 朱千雪唔同阿佘爭馬明

 

陳展鵬和陳茵媺在賀年劇《單戀雙城》中飾演一對歡喜冤家,兩人「火星撞地球」的鬥出愛火花,展開一段曖昧卻深情的馬拉情緣。

陳展鵬、陳茵媺(Aimee)、林夏薇、洪永城、楊明等演出的無綫賀年劇《單戀雙城》將於下周一(20日)首播,承接《舌劍上的公堂》繼續以輕鬆方式大放笑彈,並到馬來西亞取景,以靚人靚景作招徠。

歡喜冤家



劇集由Aimee和展鵬以歡喜冤家形式開始,講述在香港做導遊的Aimee帶團去馬來西亞,遇上在當地做導遊的展鵬,不過二人一開始就「火星撞地球」,劇中Aimee個性十分認真,而展鵬偏偏是個嘻皮笑臉、玩世不恭的檳城浪子,令Aimee做事處處碰壁,認定展鵬是「煤炭屎鬼」,會為她帶來「黑氣」。但在相處過後,Aimee發現原來展鵬內心有很多傷痛,並有一段刻骨銘心的情傷,才故意這樣做來保護自己,而亦曾被楊明傷害過的她感同身受,開始對展鵬另眼相看。

不過二人的一段「情」卻十分曖昧,到最尾第二十集才正式在一齊,中間冇拍拖,冇拖手,冇咀嘴,ending時才會有深情一吻。而劇集在馬來西亞陽光與海灘的地方取景,卻以清新的手法處理,沒有「重口味」吸收視,可以說帶來一道「清泉」。監製方駿釗對這「反潮流」亦自有一套看法:「我唔係咁鍾意攞呢啲嚟做賣點,我拍海灘都係以浪漫氣氛為主,不會刻意賣弄一些與劇情無關的畫面,啱劇情嘅先會做,因為劇集播映的時段都係合家歡時間,希望觀眾將注意力集中故事情節及演員演繹上。香港人多數都係睇電視大,我覺得電視要有道德責任,電視尺度都係應該以大眾口味為依歸。」

佗B飲涼茶



有指Aimee拍此劇時剛懷有「豪B」,監製直言當時不知情,並透露Aimee當時拍得甚為辛苦:「佢佔戲好重,喺馬來西亞拍咗一個月,每日幾乎開足12、13個鐘,一日休息都冇,不過我諗佢都唔知自己有咗,所以從來都冇提出話要休息,好多動作、淋雨戲佢都要做,不過拍時佢病病哋,當地有個製片好好心,畀咗唔少涼茶崩大碗佢飲,事後諗番都驚,好彩冇事,證明係你嘅就係你。」

文:影視組

贊助商:

討論:
分享: