劉倩婷加碗筷催旺人丁


2015-02-24 07:00

跟蹤提及過的人和物:

上一則新聞: 陳庭妮謙虛做阿妹

 

婚後過了兩年二人世界的堪輿學家李丞責與太太劉倩婷(Sandy),羊年終定下造人大計,更做足準備等生猴年BB!Sandy更在年初四擺兒童碗筷催旺人丁,而李丞責則諗定為仔女改個靚名!

堪輿學家李丞責及太太劉倩婷(Sandy)結婚兩年來,一直享受二人世界的生活,但羊年終於改變想法!談及新年願望時,兩人異口同聲表示想生BB!Sandy說:「梗係想建立個fullmember家庭啦!有時見到老公咁忙都心痛,所以想快啲整個BB畀佢玩,分散吓佢注意力!」兩人更早有共識生猴年BB:「因為老公屬猴,而羊就同我相沖。」

為小朋友改名頭痛



為加快生B計劃,Sandy在初四擺兒童碗筷,催旺人丁!李丞責說:「初四有飯局,因為灶君下凡,傳統觀念話加碗筷會賜多啲人丁,所以太太今年買咗好多小朋友嘅碗,希望會靈驗啦!」而一向有為客人改名的他,更自爆為改名而頭痛:「都頭痛為自己小朋友改咩名好,因為《康熙字典》入面嘅字都差唔多用晒,剩番啲大家唔識讀嘅字。」

讚老婆有玄學潛質



Sandy現時主力協助老公打理風水生意,對玄學愈來愈感興趣的她,更獲李丞責大讚有潛質!他說:「其實太太對新年習俗都跟到足,仲識靈活變通。例如新年有啲日子不宜洗頭,好似初一洗頭會『短命』,咁太太諗到個方法,就係揀番啲會『長命』嘅日子對消番,呢個係佢新一代應用玄學嘅方法,仲犀利過我,我諗佢三年後會成為最強、最後生嘅女玄學家!」

場地:李丞責中華風水文化

文:專案組

攝:吳文聰

贊助商:

討論:
分享: