豹哥揮灑自如 伍詠薇拜服


2015-03-06 07:00
上一則新聞: 雞排妹買水果冇着數

 

好戲之人伍詠薇與單立文初嘗演舞台劇滋味,二人首度合作就將「第一次」獻給對方,在舞台劇《嬉春酒店》中飾演兩公婆,爆出無限火花。

藝人伍詠薇(伍姑娘)、單立文(豹哥)於本月中將聯同江美儀及林嘉華合演舞台劇《嬉春酒店》,同劇還有陳彥行、喬寶寶等。首次合作的伍姑娘及豹哥,同樣初次演舞台劇,二人更相當有善心,知道有慈善公演即義不容辭:「我哋都好緊張慈善嘅事,第一次做舞台劇唔係為錢,當中係為理想,做舞台劇之餘,亦都可以回饋社會。」

伍姑娘及豹哥對於是次演出都相當興奮,排演時更瞓身鬥戲,務求做到最好,豹哥說:「知道要兩個鐘non-stop冇得NG去做,呢個挑戰令我好興奮。排戲嗰陣先知空間可以好大,無邊無際,愈玩愈開心,創造咗好多唔同嘅嘢,係拍劇享受唔到。」

邀邵美君補課



自認細膽的伍姑娘更為「處女作」而做足功課,特意請舞台劇演員邵美君「補課」:「我好鍾意學習,所以去搵一個唔同平台嘅專業演員教路,自把自為去搵邵美君。」在劇中飾演「陶花琿」的豹哥由頭帶到尾,其搞鬼的角色更令伍姑娘及江美儀認為無人能及,伍姑娘說:「豹哥係好幽默嘅男士,佢演嘅角色有好高嘅可塑性,江美儀都話『全世界冇人做到呢個角色,係豹哥做到。』佢就係做番自己,手到拿來!」

文:專案組

攝:張福宏

場地:TAPAGRIA

髮型:[email protected]

服裝:Moiselle

化妝:[email protected]

贊助商:

討論:
分享: