陶大宇出煮意「蟹」逅秋官


2015-04-30 07:00
上一則新聞: 莫文蔚恨演終極「白晶晶」

 

藝人陶大宇昨日出席有線節目《我愛煮食男》記招,並邀得好友劉美娟、蘇永康等任嘉賓。席間大宇更下廚顯身手,又贈送自製果醬和紅酒予眾人。自言廚藝麻麻的大宇,稱邊拍節目邊學邊煮,又獲廚藝顧問讚有七、八十分。他指平日也有下廚:「我習慣拍完收埋啲食譜做錦囊,有機會喺屋企試吓。(出書?)有人同我一齊癲都可以,拍完呢13集,每集煮兩、三道菜,加埋都有幾十款,當紀念、總結都好。」

戲癮再起復出拍劇



提到劇集《大時代》重播Hit爆,演「蟹仔」的大宇坦承有意邀一班演員上節目,無奈大部分與無綫有約在身:「我想請秋官(鄭少秋),但唔得,他與無綫有合約,費事大家尷尬啦。」有傳劉青雲撬邵仲衡牆腳,當年力追邵女友劉美娟,他笑道:「佢到依家都仲咁傻,唔使理佢。佢講嘢好奔放、豪放,都幾十年前嘅事,算啦。」劉美娟則表示不回應。大宇指看舞台劇和外國劇引發其戲癮,稱遇到好劇本會考慮接拍。

「方展博」經營舊書店



另飾演「童年方展博」的黃寶龍,長大後依舊大眼靚仔。他目前打理家族經營逾50年的書店,透過電話表示最難忘拍攝「爸爸」劉松仁遭「丁蟹」秋官打死一幕,笑言是所有童星中最難入戲的一個:「當時要所有人解釋(劇情)我聽,松哥都教我走位,但我好鍾意玩,試過激親松哥。」

文:影視料

贊助商:

討論:
分享: