傅穎有意中人 呻冇時間拍拖


2015-05-17 07:00

跟蹤提及過的人和物:

上一則新聞: 「獨家」「熱話」猛料loop唔停

 

今年30歲的傅穎單身多時,早前傳她跟內地男秘密結婚,近日再有她的婚紗照流出,傅穎承認身邊有追求者,更首度自爆有鍾意的對象,但她慨嘆無時間灌溉愛的種子,希望大家給她空間好好護苗。

忙於內地拍劇集《望夫成龍》的傅穎(Theresa),早前傳出她秘婚謠言,她已經否認,近日她在微信大晒婚紗照,原來也是劇照。Theresa夢想的婚禮愈簡單愈好,她笑說:「我都諗過個畫面,婚禮喺一個小島搞,只係請家人同最好朋友出席。」單身的她被問到感情事時,她承認有追求者,也有鍾意的對象。

開心重要過物質



追問Theresa鍾意的對象是圈中人還是圈外人?她笑說:「畀啲空間我。」她坦言這個年紀拍拖好正常,但目前忙拍劇:「點拍拖啫?」近年長居內地的她可有富二代追求?她說:「冇,呢兩年喺內地都係拍劇,大部分時間都喺劇組,雖然都有識朋友,但我唔會特登了解人哋係咪富二代。」

劇中Theresa與老公經常為錢嘈交,現實世界裏的她則追求簡單生活:「錢夠用就OK,唔一定要賺好多錢,兩個人一齊最緊要開心,而唔係睇物質條件。」

不停嗌交要抖抖



Theresa透露《望》劇於六月初煞科,她想稍作休息,因為拍該劇消耗了很多氣力。她說:「因為我同劇中飾演老公嘅杜俊澤要不停咁嗌交,成套劇我百幾場戲,一半以上我都要大聲咁嗌交,把聲都嗌到『拆』晒,所以成日要食喉糖、煲羅漢果水飲。除咗嗌交,我仲有打交戲,推推撞撞,甚至抽板櫈,所以拍完我真係想抖吓。」

文:音樂組

贊助商:

討論:
分享: