趙碩之開心變栢芝


2015-05-19 07:00
上一則新聞: 任達華睇騷愛集郵

 

藝人趙碩之(Wylie)、陳小春、鄧麗欣(Stephy)、台灣男星柯有倫等昨日出席網絡劇活動。Wylie的護士裝將逼爆身材包到實,但她的雙眼、眉和鼻都明顯與過往大不同,驟眼看竟與張栢芝及張曼玉有幾分似!Wylie昨日接受本報電話訪問,笑言似栢芝和曼玉好開心:「劇中我做護士,化好淡妝,而且我交晒畀化妝師!估唔到大家覺得我淡妝同濃妝差咁遠!我自己日日喺屋企唔化妝,好慣個樣,可能大家睇唔慣啦!(被指變樣得啖笑?)我係好開心先真,我心目中栢芝同曼玉都係大美女!由細到大我對眼都比較圓,有畀人話過似張曼玉,但我自己覺得高攀唔起!」

Stephy因眼腫而戴黑超亮相,又透露稍後男友方力申亦會客串演出:「小方會演外表大隻,但性格好小朋友嘅病人,戲入面畀粒糖就氹到佢!(平時小方易唔易氹?)佢真實都係咁。(有對手戲?)有少少,但唔係做情侶!」

贊助商:

討論:
分享: