陶大宇呻被邵仲衡搶job


2015-06-02 07:00

跟蹤提及過的人和物:

上一則新聞: G.E.M.擁抱錯誤

 

無綫「神劇」《大時代》造就「雙蟹」邵仲衡及陶大宇人氣反彈,昨日兩人孖住出席網絡平台宣傳活動,期間不忘互笠高帽。邵仲衡台上更叮囑大宇「射」住,果然「兄弟情深」。

大宇接受記者訪問卻扁嘴謂:「啲活動搵晒佢,佢射住我就真!我冇咩(活動)喎,呢個係第一個。」他表示有線的飲食節目已近尾聲,隨時準備接受新工作。而邵仲衡則坦承《大》劇重播以來,自己工作量持續上升,今個月檔期排滿,保守估計帶來七位數進帳,且謂:「戲癮發,好想同多啲新拍檔合作。」他又重提以往與媒體關係差:「以前唔明運作,依家做多啲訪問,我當自己找數囉。」

贊助商:

討論:
分享: