陶大宇孭黑鑊 險毀天華廚房


2015-07-10 07:00

跟蹤提及過的人和物:

上一則新聞: FFx挑戰武媚娘

 

藝人陶大宇昨日錄影有線節目《我愛煮食男》最後一集,邀得好友謝天華擔任嘉賓,大宇為天華送上自己製造的手工啤酒作為慶生禮物,但天華則笑稱這是作為廚房差點被燒毀的「賠償」而已。陶大宇和謝天華二人認識多年,天華大爆十多年前,大宇到其家中作客卻險燒掉廚房,大宇說:「飲大兩杯嗌肚餓,我就入廚房拎包急凍餃子嚟煎,結果出晒煙,天華老婆見到就大嗌『老公!大宇燒咗我哋個廚房呀!』」天華笑指:「鍾意入廚同成日入廚係兩回事嚟!嗰日差啲要拎兩個煙霧滅火筒,成隻鑊黑晒!」

飲到暈照開工



大宇為賀壽星公天華,之前特別學習製作手工啤酒和熊貓粉果:「整點心真係未接觸過,整啤酒就係因為知佢鍾意飲番兩杯。(兩人會否經常飲酒?)只會輕嘗淺酌,我就多數飲紅酒,有益嘛,又幫助到睡眠,我試過拍嘢時飲到暈!」

完成13集《我愛煮食男》的大宇大感不捨,有線高層特別製作「煮食男」相集送之,而大宇稱希望作為回憶錄,或者參與報章的專欄寫有關飲食的話題。

文:影視組

贊助商:

討論:
分享: