中環出更:楊偉雄許曉暉 配偶增持物業


2015-08-04 07:00

跟蹤提及過的人和物:

上一則新聞: 中環出更:工總換屆宴 大搞爛Greg騷

 

行政會議成員、特首創新及科技顧問楊偉雄同民政事務局副局長許曉暉,前者被視為內定創新及科技局局長,卻因開局失敗而繼續無了期等待,後者則前後兩次都「升呢」失敗,二人至今都同問責局長一職擦身而過。近月二人再有共通點,分別增持寫字樓單位及住宅物業,同樣由配偶持有,莫非佢哋都睇好樓市前景?

據楊偉雄於行會最新利益申報,除咗繼續由配偶、其他親戚等持有多個住宅單位及店舖外,今年六月中新增由配偶持有新界葵涌一個寫字樓物業,自此楊偉雄於須予登記嘅個人利益中,無論住宅、店舖及寫字樓統統都有,只係爭在未見申報持有車位啫。

至於原本持有東區住宅出租物業嘅許曉暉,其利益申報於四月中亦有更新,由其配偶持有南區住宅物業作自住用途,依家許曉暉同丈夫於港島四個區議會嘅其中兩個區已擁有住宅物業,唔知第時再增持物業時,會否繼續優先於港島區落腳呢?

卓妮

贊助商:

討論:
分享: