畏高胡鴻鈞攀崖搵命博


2015-08-04 07:00

跟蹤提及過的人和物:

上一則新聞: 《東網Baby》夏日心動:齊蕙盈攻大銀幕留前鬥後

 

藝高人膽大的胡鴻鈞(Hubert)為新歌MV一於豁出去,畏高的他不惜搵命博,成功首次挑戰攀山!期間Hubert做足安全措施,公司亦安排多名工作人員幫忙,又找來專業攀石人士駐場,更出動航拍機拍攝,認真大陣仗!

歌手胡鴻鈞(Hubert)日前到石澳懸崖邊為新歌《相信明天》拍攝MV,外柔內剛的他更獻出「第一次」,處男下海攀山!為免發生意外,公司安排了逾20個工作人員幫忙拍攝,又找來一隊專業攀石人士輔助,為拍得壯觀效果,公司更出動航拍機。而Hubert亦做足安全措施,穿上安全褲的他驟眼看疑似「激凸」,當日他從早上拍到下午,期間頂着太陽滿頭大汗拍攝,幸好沒有中暑,現場見他不停在懸崖邊攀上攀落,中間休息一會又再努力練習,十分專業!

抗拒除衫騷肌



做開運動的Hubert受訪時表示從未攀山,今次挑戰是為了配合新歌勵志的主題:「首歌係講對未來有盼望,我今次都做咗啲冇諗過會做嘅事,做到嗰刻都幾正,克服咗一個心理關口!」親身上陣攀山的他坦言一開始很驚:「自己有少少畏高,驚離心力,尤其落去嗰吓要鬆繩,嗰吓好似要跌落去咁,但慢慢慣咗都冇嘢。」

Hubert又透露事前沒練習:「一嚟到教練就教我,我試咗幾次開始掌握到,同埋說服自己要相信團隊,所以克服到難關。(唔除衫騷肌?)嘩!除衫唔好啦,依家疏於練習,啲腹肌慢慢唔係咁顯眼,而且攀山通常唔會赤裸,因為易擦損。」

拉許廷鏗落水



外表斯文的Hubert謂試完攀山覺得挺好玩,笑言有意帶好友許廷鏗來玩:「既然佢呢排進行緊個『還我瘦鏗』計劃,攀山都係幾好嘅項目。」

文:音樂組

攝:吳文聰

贊助商:

討論:
分享: