譚耀文傷韌帶死撐


2015-08-21 07:00

跟蹤提及過的人和物:

上一則新聞: Faith重振Sing威

 

藝人譚耀文日前在深圳拍動作片時不幸受傷,左腳明顯瘀腫,昨早更將腳腫和坐輪椅相片上載Facebook分享,拗柴的阿譚還講笑留言謂:「繼子丹、泰臣之後,我都因為動作片受傷了!」

為電影客串演出的譚耀文,日前為戲中一場拳賽場口拍攝跳躍動作,阿譚稱當時因地上的汗水太多導致濕滑,才不慎滑倒拗柴,左腳即告受傷腫起,當時阿譚擔心影響進度,堅持拍畢餘下鏡頭,直至前晚才回港睇跌打,非常專業!

拍《救火英雄》曾傷右腳



阿譚昨日接受訪問時稱:「早年拍電影《救火英雄》係右腳受傷,今次傷左腳都算好彩,尋日腳腫咗要睇跌打,照X光後醫生話冇骨裂,只係傷韌帶,醫生要我休息一個月,劇組都叫我休息,但我諗住休息兩日就算啦!因為我仲有兩日戲就完,之後仲有工作要趕拍,而家用拐杖行路!(之後會休息?)冇啦!要準備下套戲嘅造型,當中有啲飛車危險戲份,今次開工會小心啲!」

文:影視組

贊助商:

討論:
分享: