傅穎解脫 減壓搵仔陪


2015-08-29 07:00

跟蹤提及過的人和物:

上一則新聞: 星級父母大檢閱

 

出道十三年的傅穎有關新聞總是負評,曾一度壓力爆煲致嚴重抑鬱,玩自閉、厭食、喪喊,連內分泌也受影響,最終靠自己走出抑鬱陰霾,對於成為箭靶多年,她已不再介懷,但求活得開心快活。單身的Theresa曾承認有合眼緣男士,她更不諱言明年情人節:「有人陪都係好事!」

曾經被連串負能量纏身的傅穎(Theresa),在《好報》訪問中自爆一度壓力爆煲導致抑鬱病發,將自己封閉在家的她說:「有段時間嚴重抑鬱,見到人就想喊,食唔到嘢,無啦啦會想嘔,又瞓唔到覺,一出街驚畀人講、畀人寫,嗰段時間覺得好委屈。」為遠離香港是非地,近兩年她靜靜到內地發展,早前接拍內地劇《望夫成龍》,因太投入角色再度病發,精神不穩,賀爾蒙受到影響,內分泌出問題,連雀斑都走出來。

懶理冷嘲熱諷



身在北京的Theresa昨日透過長途電話說:「其實抑鬱嗰段時間過咗好耐,係2011年。」當時她想過向心理醫生求助,但因不想依靠藥物治療,最終打消念頭,身邊很多朋友陪伴,更養成每日睇書的習慣,Theresa說:「自然個人開朗番,好多時情緒問題,唔係淨係同人傾偈就可以解決到,最緊要自己諗得通,因為係自己諗嘢嘅問題。」經歷過抑鬱,Theresa深信已走出陰霾,她說:「總之就唔會令自己好唔開心,休息咗兩個月,感覺好輕鬆,面上啲斑好明顯真係淡番。」

Theresa形容過去是「避黑」走過來,對人生、朋友、工作有不同睇法,她說:「每個人對一件事都有唔同睇法,譬如呢輯相大家會,嘩!點解咁性感?但唔知點解我一啲都唔覺性感,着泳衣好正常,我冇特別去賣弄啲乜嘢,心態上已經轉變,依家再畀人講啲乜都好,唔會影響到我。」但她對自己這輯泳裝相未感滿意:「覺得有啲肥,唔係最fit,之前練嗰啲肌肉變番脂肪,我要開始keepfit。」Theresa將再戰樂壇,已着手搞新歌,10月底又繼續拍劇,更計劃將自家設計的Pagsa公仔推出產品。

感情事存變數



單身的Theresa早前曾洩密,承認有合眼緣男士,她笑說:「感情嘅嘢我未確定就唔講住,因為我驚有好多變數,隨緣啦,大家唔使擔心我,正常社交活動都有嘅。(明年情人節有人陪?)希望情人節喺工作中度過,有人陪都係好事。」

文:音樂組

贊助商:

討論:
分享: