鍾楚紅風騷激凸掃貨


2015-08-29 07:00

跟蹤提及過的人和物:

上一則新聞: 鹿晗加入《奔跑吧兄弟》

 

大美人鍾楚紅昨午現身中環名店,身穿純白T-shirt的她被發現真空上陣掃貨,風騷「激凸」!同場更有歌手梁漢文濕平之餘,不忘為太太挑選心頭好。

近日不少品牌名店減價吸客,一眾星級潮人紛紛出動掃貨。大美人鍾楚紅(紅姑)昨午12時半左右,與一名身穿紅色T-shirt的男親友及助手現身中環名店Tod's濕平。三人坐於店內梳化有傾有講,紅姑更不時低頭玩電話。其後助手發現店外記者時,即做手勢示意不要影相。

Nice爆打招呼



約下午1時半,戴上黑超、身穿白色T-shirt襯牛仔褲的紅姑,掃貨完畢率先步出店舖。「飛釘」的她全程表現風騷,並揮手sayhi:「咁多人嘅?」問到有沒有斬穫?她表示:「有買少少。(鍾意呢個品牌?)唔講啦。(買咗幾多嘢?)我架車到啦,要行快啲。(買完嘢去hightea?)我唔tea(口架))。」話畢便登上座駕。而其親戚亦手拿兩大袋戰利品尾隨在後登車。

見靚衫笑晒



而歌手梁漢文(Edmond)昨日亦單拖現身中環,甫見記者即友善微笑示好,問到他去邊?他說:「我去攞衫呀!」之後進入附近一時裝店揀衫。向來錫老婆的他亦好有老婆心,看見一對女裝波鞋,即拿出手機拍照,然後再轉發給老婆睇,兩公婆更一度以短訊對話,未幾他已揀下大堆靚衫往試身。臨走前,他禮貌地與記者道別,然後拿着大袋戰利品離開,未知當中有冇老婆對波鞋呢? 文:追蹤及名人組

贊助商:

討論:
分享: