錢嘉樂禁盈盈拍劇:搵錢交畀我


2015-09-26 07:00

跟蹤提及過的人和物:

上一則新聞: 陳嘉寶拖男友見又南

 

錢嘉樂與太太湯盈盈的細女Kassidy終在昨日亮相傳媒,盈盈接旨暫停拍劇,準備坐月兩個月兼學餵人奶。嘉樂即場Man爆承諾:「搵錢嘅嘢交畀我!」盈盈對女生夫相亦無發難,更冧爆老公:「因為我鍾意嘉樂!」

湯盈盈自9月23日誕下細女Kassidy後,終在昨日粉墨登場。老公錢嘉樂更在太太出院前,帶同大女凱晴抵達醫院準備接妻女回家,身為BB契媽的梁靖琪亦有現身。抱着細女Kassidy的盈盈精神飽滿步出醫院,一家四口大方任影晒幸福,惟盈盈在訪問時透露暫時收肚,親接嘉樂口諭暫不拍劇,以休息充足,湊好細女,盈盈說:「嚟緊會坐月兩個月,專登學餵人奶,因為之前大女唔成功,今次希望餵細女半年至一年人奶。」嘉樂續說:「劇就唔會拍喇,小朋友大得快,想陪住佢哋成長,搵錢嘅嘢交畀我啦!」

似嘉樂冇發爛渣



問到Kassidy與誰相似?盈盈就指細女樣子似足大女,即與嘉樂餅印一樣,雖然嘉樂早前曾在公開活動稱盈盈會因Kassidy似嘉樂而「發爛渣」,不過盈盈昨日表示全不介意,更冧爆說:「因為我鍾意嘉樂!」然而嘉樂卻認為細女似盈盈,打趣謂:「好公平,一個似佢,一個似我,不過似我着數啲,因為靚。」

估大女會否呷醋



提到大女凱晴可有心理準備與妹妹共享玩具?嘉樂說:「反而係我同太太會緊張,要估吓幾好玩。(怕佢呷醋?)未表現出嚟,我哋都要估,所以對我嚟講係一個奇妙嘅旅程。」問他送甚麼給太太?盈盈即交戲摸自己耳仔,嘉樂謂:「耳環呀!不過都多謝盈盈,送咗兩份大禮畀我。」

文:影視組

贊助商:

討論:
分享: