鍾楚紅復古女神


2015-09-27 07:00

跟蹤提及過的人和物:

上一則新聞: Jocelyn拒為藝術犧牲

 

近日不少品牌活動都分別邀請了歷代女神擔任嘉賓,關之琳、林青霞與鍾楚紅這三位大美人盛裝赴會,艷壓全場。而Ball場新貴刑嘉倩和曾昭亮亦大騷新一代的時尚魅力,韓國女團f(x)成員訪港時就大晒韓風少女氣息,各有捧場客。名模陳嘉容就大讚林青霞有巨星風采,盡騷大美人功力,而鍾楚紅則高貴典雅,如陽光般耀眼。

「好靚,高貴典雅,有種好似陽光咁耀眼嘅感覺,有種大方優雅嘅氣派,加上佢近排清減咗,身形線條顯得更加修長,套衫有40年代嘅懷舊復古感覺,好襯佢。」

林青霞盡騷功架



「令人眼前一亮,盡騷佢超級大美人嘅功力,keep得好好,有巨星風采。珠片裙從來都唔易carry,但佢着得好靚,顯得佢身材玲瓏浮凸,好有線條美,手袋同皮草亦都好襯,髮型化妝係佢一貫嘅清秀優雅style,好穩陣。」

邢嘉倩具知性美



「有佢媽咪嘅風範,好有時尚感,有種知性美,優雅得嚟又略帶性感,散發出一份內在美態,簡單嘅化妝同allback髮型已經好襯,呢個look係永遠唔會過時嘅打扮。」

f(x)成員Krystal少女氣息



「簡單少女風嘅打扮,青春活潑,好有活力,但化個紅唇妝會sharp好多,同埋對鞋係ankle布綁帶,顯得對腳短咗,換對紅色無帶高踭鞋又或者ankleboots可以拉番長個身形比例。」

關之琳夠晒夏日



「條褲有夏日色彩,襯深色短身top有顯高效果,好sharp醒嘅smartcasual打扮,帶啲型格感覺,加上襯對紅色高踭鞋,好靚好突出,如果加條誇張款嘅頸鏈或者耳環,會更佻脫。」

曾昭亮顯高有型



「透視加露小蠻腰嘅打扮性感得嚟又有型,好襯佢嘅氣質,就算全身黑色都好sharp,好顯高,騷到佢身材嘅優點,身形比例好修長,髮型化妝都好襯,又靚又得體。」

陳嘉容Profile



香港著名模特兒陳嘉容(Eunis),曾為各大國際品牌行時裝騷,在時裝界打滾多年,近年為電視時裝節目擔任主持,化身stylist教人配襯衣着打扮。

贊助商:

討論:
分享: