Jude惡補廣東話恨拜師衛蘭


2015-10-09 07:00

跟蹤提及過的人和物:

上一則新聞: 鍾采羲搵靚仔交手車震唔拘

 

華納女新人Jude(曾若華)一首《格拉斯哥流浪》在網上大熱,這首歌是六年前Jude留學英國的作品,現為她成功打開樂壇之路,但要努力惡補廣東話,大讚師姐衛蘭(Janice)唱得字正腔圓,要向她好好請教。

現年23歲的Jude早在8歲時便赴英國讀書,在當地大學修讀攝影,但在2011年返港放暑假參加了一個歌唱比賽奪得冠軍,觸發她的音樂夢,最後她決定暫且放低學業,給自己一年時間留港尋找音樂之路。Jude表示:「其實自己都好好彩,因為識一個朋友喺唱片公司入面做嘢,我就將自己創作嘅歌拍成短片,寄咗去華納,跟住竟然好好彩公司畀咗個試音機會我,就咁就簽咗華納。」

幫周柏豪影相



既然喜歡唱歌為何Jude又走去讀攝影?Jude解釋反而因為讀攝影時經常去音樂會影相,久而久之接觸好多音樂,她笑言:「去音樂會幫啲Band同Artists影相,覺得我都可以上台表演喎,唔想成日喺台下幫人影,我都想企喺台上面。」Jude兩年前已簽約華納,但今年才出道:「都要打好啲基礎,自己太細個去咗英國讀書,好多中文字都唔識睇,要畀心機學番好。」這兩年間,Jude將學到的攝影技術幫師兄姐周柏豪和連詩雅拍片,之前柏豪的演唱會她都有操刀影相,Jude大讚師兄好有型,很照顧新人,曾給她機會做MV女主角。

目標字正腔圓



至於可有見到加盟唱片公司後的孖妹衛蘭(Janice)和衛詩(Jill)?Jude興奮表示:「有見過佢哋,其實我喺英國都有唱K,唱Janice嘅《大哥》。」Jude更指Janice唱廣東歌唱得字正腔圓:「我開頭都唔知Janice同Jill都係英文人,因為聽佢唱中文歌都唔覺,而我就好明顯,講嘢都唔係好正,所以真係要請教佢哋。」

文:音樂組

攝:李柏儒

場地:PENTAHOTEL

贊助商:

討論:
分享: