周慧敏恨見證基仔大婚


2015-10-14 07:00

跟蹤提及過的人和物:

上一則新聞: 譚玉瑛鍾意糖妹愛笑

 

周慧敏昨日抱恙出席代言活動,提到好友古巨基與她經理人Lorraine下月的婚禮,她表示Lorraine竟然在婚禮當日安排工作給她,令她未能如願出席兩人的婚禮:「佢哋兩個嘅大日子對我嚟講好重要,睇佢點補償!」

藝人周慧敏(Vivian)昨日以代言人身份出席護膚品牌SuisseProgramme活動,同場有莎莎主席郭少明、韓國歌手李河璘、藝人朱慧敏、模特兒林鈺洧、貝兒及陳詩雅等。抱恙上陣的Vivian因轉天氣而冷病了,她指自己每星期做三次運動,平日亦會行山,只是體質如此,一轉天氣就病。當得悉行山有機會捕獲周潤發時,笑言想遇見對方。

送乜賀禮大感頭痛



提到好友古巨基與她經理人Lorraine下月的婚禮,Vivian說:「Lorraine喺佢哋嘅大日子仲安排咗工作畀我,佢冇諗過我好想出席佢哋婚禮。佢一向都工作行先,自己就放第二位,但係我就覺得佢嘅大日子好重要。上次同今次我都去唔到,要睇佢點補償。(會唔會覺得可惜?)要睇佢點補償先,至再衡量可唔可惜。(一係你推job出席?)你哋問佢,唔係我話事,我好尊重佢。」目前她正考慮送甚麼禮物:「佢哋咩都有,基仔又咁叻設計,我好頭痛,要諗啲特別嘅禮物,本來想送首歌《伯拉河》畀佢哋,但係佢哋已經有首歌喇,我唔敢話我隻歌係畀佢哋嘅,自己收埋喺心底,再諗吓送咩。我知佢嘅禮服都未搞掂,Lorraine每日都繼續安排工作畀我。」

考慮辦30周年個唱



明年便是Vivian入行三十周年,問她可會舉行演唱會,她說:「Lorraine日日都問我,佢明明要搞自己個婚禮,但都每日追問,我依家冬眠吓先,諗住拖到年尾先答佢。搞嘅話都開心嘅,唔搞嘅話,工作就冇咁heavy,但唔知fans會唔會失望,未決定,心大心細。」

韓國流行整容,李河璘對整容表示不太抗拒:「如果整出(口黎)好自然、好靚係OK嘅,但我鍾意自然美。(最唔滿意自己邊部分?)有唔滿意嘅,不過唔想講係邊度,秘密,講出嚟你哋就會留意嗰度。」

文:名人組

贊助商:

討論:
分享: