周柏豪趙碩之慘變鹹片主角


2015-10-23 07:00
上一則新聞: 生女旺爸爸財運

 

周柏豪、趙碩之及王璐瑤等於六年前主演的倉底笑片,最近被加入新劇情「重新包裝」再出籠,當年仍是新人的柏豪更豁出去扮索爆女人,但新部分因加入前AD2成員艾美琦的露點情慾戲,令柏豪等人慘變情色片主角,他們均表示相當無奈!

前騎呢女子組合AD2成員艾美琦(AmyK.)主演的電影《色模》最近密密宣傳,以Amy露點戲及情慾戲做賣點,但原來《色》片竟有男神周柏豪、趙碩之、王璐瑤(LuLu)、陳百祥、賈曉晨及羅家英等卡士!

眾星於2009年拍攝喜劇《我要做o靚模》,惟電影一直未有上映,飾演經理人的碩之有場戲略騷事業線,其戲中男友柏豪更有反串風騷扮女人的戲份,據知當年是新人的柏豪片酬只有約10萬元,密食當三番拍下不少小本製作電影,並曾大方談論扮女人的苦與樂。事隔六年柏豪現已是男神歌手,身價幾級跳自然不可同日而語。

大膽情慾戲



至最近《我》被電影公司重新包裝,加入Amy等新演員支線,包括Amy、落選亞姐陳沛鈺與前亞視藝員楊正軍的大膽情慾戲,再將兩片合而為一變《色》片,新舊兩片穿插播出,以曹查理飾演的好色「o靚模大亨」穿引兩邊故事,雖然《色》片只被評為IIB級,但此舉令柏豪及碩之等慘變情色片主角,海報印有他們的大頭相,更放在Amy的裸照旁邊。

柏豪透過經理人回應指沒有人告訴他們電影會如此安排,但無奈表示不想多講替別人宣傳:「做演員只係盡力表現,之後嘅嘢控制唔到,都搵唔番當年嘅負責人,冇諗住追究喇!」

連名都寫錯



碩之表示當年拍攝的是一套喜劇,但無奈現時加入大量情色成分,令她「冇眼睇」:「得啖笑,我最多會睇自己嗰Part,估唔到現實生活嘅事比劇情更好笑,海報甚至連我個名都寫錯做『碩芝』!(打算追究?)當年係經理人公司幫我接戲,依家自己好難追究,但樂天啲睇,同一班前輩合作得好開心。」LuLu則認為事件慘不忍睹:「以前套戲冇上映係遺憾,但依家加咗啲古靈精怪戲份,慘不忍睹。(會否追究?)可惜冇Keep到份合約。」

至於新部分的女主角Amy表示,演員責任是演好每場戲,對電影公司的安排沒有意見:「戲中我要裸露,已經心理掙扎咗好耐,冇理其他事。(套戲變咗情色片?)其實套戲係有教育意義,講時下女仔發明星夢而畀人呃,想警惕觀眾要小心壞人,有警世作用。」

文:影視組

贊助商:

討論:
分享: