楊受成勁冧老婆 霆鋒chok住到賀


2015-10-24 07:00
上一則新聞: 袁潔瑩冇膽演「開心少女」

 

英皇集團主席楊受成博士跟太太陸小曼結婚30周年依然恩愛如昔,昨晚楊生楊太這對模範夫婦更筵開29席,廣邀親朋及旗下藝人出席他們的「珍珠婚」紀念,楊生受訪時讚老婆:「好到冇得再好。」在旁的楊太更全程報以冧爆笑容,羨煞旁人。

楊生楊太的30周年「珍珠婚」紀念,昨晚假金鐘港麗酒店舉行,筵開29席招待親朋,雲集不少演藝及商界名人如「玩具大王」蔡志明、TVB主席陳國強及徐子淇丈夫李家誠、劉嘉玲、鄺美雲、毛玉萍等。英皇旗下歌手謝霆鋒、容祖兒、Twins、古巨基和張敬軒等統統盛裝出席,場面衣香鬢影,戴黑超的霆鋒更邊行邊chok,貫徹chok王本色。

斥巨資邀老牌樂隊



宴會場地以簡約布置為主,據知楊生更斥巨資邀請以一曲《OnlyYou》紅遍全球的美國老牌樂隊ThePlatters到場擔任表演嘉賓。晚宴前,一身黑西裝配「煲呔」的楊生,及穿閃爆tubedress裙配重量級首飾的楊太先會見傳媒,不過楊生的子女們保持低調,未有隨楊生一同影大合照。

楊生直言原本打算跟太太和家人低調慶祝:「不過啲朋友請吓一個,請吓又一個,冇辦法啦。」問楊生可會將「全副身家」送給太太做禮物?他笑說:「又唔得喎,要留番啲畀仔女。我都送咗好多嘢畀佢,總之我今次預咗個budget(預算),佢鍾意買咩就買咩。」楊太則笑稱仍在選購禮物,楊生補充:「佢送咗成個人畀我啦。」問他們有何相處之道?楊生說:「大家互讓互諒,楊太對我好好,好包容,對我好到冇得再好。我都準備咗啲說話一陣喺賓客面前講佢有幾好。」身旁的楊太被冧到全程笑得見牙唔見眼。

劉嘉玲合資送大禮



到場賀楊生楊太的賓客眾多,嘉玲透露和廿位朋友合資送了大禮給楊生。軒仔亦帶同賀禮現身,他表示:「係啲私人嘢,用得嘅。」又大讚楊生跟太太:「佢哋日日都咁sweet,淨係睇住佢哋都學到好多嘢。」林峯則和英皇高層吳雨差不多同步到場,問林峯送甚麼禮物賀老闆?身旁的吳雨抵死地說:「送廿年合約畀老闆囉。」令林峯一臉尷尬,場面搞笑。另外,近年較為低調的名媛毛玉萍亦有現身,她透露近年學懂健康是最重要,故現時生活較為悠閒。

文:音樂組

贊助商:

討論:
分享: