王馨平做足準備sing援台灣


2015-11-06 07:00

跟蹤提及過的人和物:

上一則新聞: 王鎮泉新加坡公幹問足全日

 

在台灣長大的王馨平(Linda)獲邀參與以台灣做主題的音樂會,更力推自己為宣揚台灣文化的第一人選!早前推出發燒碟的她透露會翻唱一首英文歌,但卻擔心不敵原唱,未敢挑戰全英文翻唱碟,同時她也推出國語新作,就算只在網上發售,仍希望借此證明在樂壇還有新動態。

歌手王馨平(Linda)獲邀與香港中樂團合作舉行音樂會,Linda透露得悉音樂會的主題已立即答應演出:「今次主題講台灣,我喺香港出世、台灣長大,對我嚟講好適合,到時有機會唱台灣經典閩南歌。」然而首次與多達八十五人的中樂團合作會否有壓力?她則認為是去做好的動力,自己一向亦有練歌養聲:「作為藝人唔係為咗某個活動去Keep,不嬲都話『台上一分鐘台下十年功』,所以日日要準備,唔會擔心。」不容有失的她更飛往台灣請著名設計師設計舞台服飾,務求為觀眾帶來視聽享受。

翻唱英文吃力



Linda表示盼日後有更多機會宣揚台灣文化,直言是不二之選,然而會否因工作繁忙而少機會回台灣?她笑說:「其實工作唔係大家諗得咁繁忙,依家嘅我同以前最活躍嗰陣完全唔同,但真係少咗飛台灣,屋企人都喺嗰邊,都要反省吓。」

雖然工作量不比以往密集,她仍堅持推出發燒碟,更言想多翻唱英文歌,問到會否想出一隻全英文翻唱發燒碟?她卻說沒信心:「翻唱英文歌係吃力不討好嘅事,尤其東方人翻唱外國係有啲距離,我係要好有把握,唔會差過人哋版本先會去做,如果一隻英文碟十首翻唱歌,要我十首都把握會有啲難。」

跟隨潮流進步



除發燒碟外Linda亦有國語新歌推出,但因買碟生態改變而只選擇在網上發布,問買碟文化改變會否覺可惜?她認為:「世界會變,一路有潮流進步,好似依家用智能手機,但未來可能連手機都唔會存在,我當然希望有新作,代表仲喺呢行做新嘅嘢,我嘅諗法係差唔多出到十隻歌就出實體碟,畀願意買或者支持我嘅人嚟收藏,依家CD係變咗咁樣。」

文:音樂組

攝:秦健輝

髮型:JackyLeung@ILCOLPO

化妝:JonathanLi@MOD

贊助商:

討論:
分享: