胡軍仔愛黐嘉玲 設宴上契


2015-11-16 07:00

跟蹤提及過的人和物:

上一則新聞: 李亞鵬醉失儀 兜巴摑老友

 

劉嘉玲前晚筵開四席與胡軍七歲兒子胡皓康上契,並為本月生日的林青霞及張叔平慶祝生日,好友李亞鵬專程由內地飛來港出席,對於亞鵬被拍到醉酒打人,嘉玲接受電話訪問時表示愕然:「點會咁?佢平時唔會咁,絕對唔係飲酒生事嘅人!」

她力撐亞鵬為人君子有禮:「佢係見到多年好友先會盡興,如果人哋同佢敬酒,佢唔會托手(月爭),會飲晒以示尊敬,現場氣氛好好!」

對於與皓康上契,嘉玲直言有段古,表示近年每次見到皓康都有種特別親切感,她笑言向來不算受小朋友歡迎,皓康卻很喜歡嗲她攬她:「記得佢五歲時,我問佢點解咁鍾意同我玩,佢話以前喺鐘樓塔見過我,我覺得係古代屬佛教嘅建築物,有種前世今生感覺!」到去年嘉玲在內地拍戲,皓康兩次遠道往探班,更為她搣橙斟水,令嘉玲決定收他做契仔,胡軍亦表示贊成。

贊助商:

討論:
分享: