傅穎遊情人橋 心冇鎖屬


2015-11-27 07:00

跟蹤提及過的人和物:

上一則新聞: 吳忠義多煩惱夜蒲減壓

 

女星傅穎早前與家人到法國巴黎旅遊,激讚巴黎充滿藝術氣息,最適合與戀人把臂同遊,希望將來與另一半可再到這個浪漫花都遊覽,暗示現時仍是單身。

剛於月初到巴黎旅遊的傅穎(Theresa),剛離開不久便傳來當地發生嚴重恐襲的消息,她說:「幾恐怖!我喺巴黎住嘅酒店係幾近嗰間大劇院,件事太突然,啲死者好無辜。」Theresa今次與家人旅行,感覺溫馨:「好耐冇試過同屋企人去旅行,雖然我去得幾日,就要喺巴黎直飛上海開工,但屋企人就繼續歐洲之旅,成個行程都好開心。」

「趕鴨仔」睇名勝



抵達巴黎後,Theresa第一餐便品嘗好友推介的海鮮拼盤,令她回味:「嗰餐食得好豐富,麵包蟹又鵝肝又沙律,食到勁飽!」由於主要是觀光,Theresa的姊姊預先Book車接載一家人到巴黎多處名勝,她說:「巴黎鐵塔、凱旋門、羅浮宮、心鎖橋同大教堂,雖然行程好趕,但我哋預先計劃嘅行程都去晒,其中一晚仲坐船食飯晚,邊食邊欣賞巴黎夜景。(去到心鎖橋有冇上鎖?)冇,希望有一日同自己鍾意嘅人遊覽吓。」

鍾情法式甜品



Theresa自言十分喜歡巴黎,讚花都充滿藝術氣息,好似有水滴形狀的大樹,還有很多古建築與有特色的咖啡店:「巴黎係好適合同戀人一齊去嘅,係幾浪漫。」不過,今次陪伴身邊的只有家人,所以去到巴黎鐵塔時,一家四口一齊擺出「LOVE」英文字甫士。提到美食,Theresa最鍾情法式甜品:「每一餐飯都會點,臨走嗰日我哋去咗當地好出名嘅糕餅店食Tea,點齊晒咁多種味道嘅馬卡龍嚟試食。」

文:音樂組

贊助商:

討論:
分享: