驅魔人遇上死神 張家輝學友兄弟過招


2015-12-01 13:06

跟蹤提及過的人和物:

上一則新聞: 曾志偉站台 曾國祥《我不是明星》奪冠

 

張學友客串張家輝執導的新片《陀地驅魔人》演出,學友早前在首映禮上自爆義務客串無收錢,家輝則謂剪剩「阿哥」 (學友) 得兩個鏡頭,但這兩個鏡頭似為下集鋪了伏線,家輝卻大賣關子,沒洩露任何口風。

拍攝當日,家輝以一頭白髮的驅魔人造型,在場指導時尚死神打扮的學友,儼如驅魔人遇上死神,橫行街頭,引來不少途人注目,就連來探班的曾志偉,及有份演出的林嘉欣,也駐足欣賞一番。學友說:「我本應只出現一個鏡頭,係一個路過行人,望到一啲嘢就行咗去,但基於呢部係驚慄片,咁簡單導演又唔想,所以將我整到白哂咁,要由大家判斷我係一個咩角色,感受下。」

家輝自爆在電影拍攝到三份二的進度時有一刻動搖,幸好學友給他信心。他說:「一開始已想搵阿哥去做,但佢係我阿哥喎,要做個有份量角色!直到故事尾段衍生咗呢個角色出嚟,最後決定都係由阿哥嚟做,個威力會大啲!」問到學友可覺家輝悉心安排的角色特別?他笑言:「我哋演員嚟,特唔特別我哋都盡力去做,希望導演滿意啦。我覺得可以演好啲,但導演收貨就算啦。」至於家輝做導演是否稱職?學友大讚說:「好好,佢非常認真,拍攝環境喺天台,要一路行6層樓到天台,之後監製話幫佢喺樓下睇螢幕,佢唔肯,又要自己行返落去睇位再拍。」家輝解釋:「唔想假手於人,我係一粒螺絲釘都要管。」對於影片上映5日票房已過600萬,學友也戥家輝高興。

贊助商:

討論:
分享: