《東網民選》 胡杏兒揀秋生撐定欣


2015-12-09 07:00
上一則新聞: 邱淑貞 沈嘉偉撇乖女撐枱腳

 

《東網民選TVKing&Queen》於《東網巨星》Facebook推出以來反應熱烈,繼四位票王票后陳展鵬、張繼聰、鍾嘉欣及胡定欣四出拉票之外,一班藝人也趕上熱潮選出「星級心水視帝視后」,當中以黃秋生及胡定欣票數居多,身為視后級的胡杏兒盛讚秋生屬影帝級演技,更隔空向好姊妹定欣說:「It'syourtime!」

最強娛樂資訊App《東網巨星》舉辦的《東網民選TVKing&Queen》啟動以來,已吸引了大批粉絲於《東網巨星》Facebook投票及瀏覽,每位候選演員每日的票數及瀏覽量此起彼落,戰況緊張。《東網》亦邀請了一班星級選民包括胡杏兒、岑麗香、楊秀惠、黃心穎、邵仲衡、李麗珍、林盛斌、鄧佩儀、張秀文、陳庭欣、江美儀、方中信,分別投選「星級心水視帝視后」。

一定撐好姊妹



視后級胡杏兒loop完候選名單後,便二話不說講出心聲:「嘩,精彩咯!呢個網頁好多嘢睇喎!正呀!視帝冇辦法,我都係揀黃秋生,因為同佢一齊拍《梟雄》,真係影帝級,返TVB拍劇非常吸引,有魅力,我會支持佢,視后呢……胡定欣我點會唔揀你呢,應該係你啦,It'syourtime!」岑麗香則投汪明荃一票:「記得一齊拍《華麗轉身》佢啲戲好感動,視帝呢,我會揀《無雙譜》田蕊妮……原來佢冇提名視帝,OK,咁我揀黃秋生,佢啲戲好勁呀!」

而曾與胡定欣合作《鬼同你OT》的楊秀惠,也力撐對方封后:「定欣做得非常好,佢係好姊妹梗係要揀佢,佢今次做得好落力。視帝我就揀陳展鵬,佢做咩角色都非常似。」邵仲衡就力勸三屆視帝黎耀祥讓位給秋生,視后則揀胡定欣。

陳展鵬續帶頭



經過統計後,「星級心水視帝視后」由黃秋生力壓票王陳展鵬及張繼聰跑出,胡定欣則一枝獨秀由頭帶到尾成為「星級心水視后」。而截至晚上八時的最新《東網民選TVKing&Queen》頭三甲走勢,陳展鵬與鍾嘉欣分別以5,968票及3,966票繼續成為票王票后,緊隨其後的「視帝」分別是獲757票的張繼聰、423票的黃秋生,「視后」則為獲1,581票的胡定欣及784票的陳煒。

文:影視組

「東網民選TVKing」專頁https://goo.gl/LKnaWu

「東網民選TVQueen」專頁https://goo.gl/HXMu7J

贊助商:

討論:
分享: