阿倫孭三嫂走佬獲封「雜貨舖」


2015-12-19 07:00

跟蹤提及過的人和物:

上一則新聞: 閨蜜李碧君望雨過天青

 

譚詠麟(阿倫)前晚拍新片,講述他孭着戚美珍(三嫂)躲避仇家追斬,拍了多個take的阿倫,轉身踢腳仍然敏捷,獲三嫂及已拍畢自己戲份專誠來探班的伍詠薇(伍姑娘)激讚:「雜貨舖!要乜都畀到你!」

前晚譚詠麟(阿倫)與戚美珍在上環拍攝電影《江湖喜劇》,劇情講述阿倫孭着三嫂避開仇家追斬,已多年沒拍戲的阿倫寶刀未老,先後孭着真人及假人公仔拍攝,雖然拍了多個take,但轉身踢腳仍然敏捷。阿倫向三嫂及伍姑娘笠高帽說:「今次拍戲有兩美相伴,係拍攝福利。(動作戲輕而易舉?)頭先冇為意,個假人鼻哥好尖,畀佢『銀』咗額頭幾下,不過冇事。三嫂要拍瞓地,平時我見佢食飯,對筷子都洗幾次,應該畀苗僑偉睇吓,辛苦錢呀!」

激讚身手靈活



天寒地凍拍瞓街戲的三嫂說:「冇諗過要瞓街,但OK嘅,拍得過癮搭夠番。(唔怕條街污糟?)我個人本來都好愛清潔,有潔癖,但投入咗角色,完全唔為意。(覺得阿倫身手點?)佢名副其實雜貨舖,要乜有乜,乜都畀到你,可能佢每個禮拜踢四日波,身手好靈活!」

伍詠薇拍到癲



伍姑娘則被阿倫爆她與男對手有「床上動作戲」,伍姑娘哈哈笑說:「今次我哋合作得好癲好爽,乜都傾、乜都講,所以我戲份殺青咗,都專誠落嚟探班,我要搵三嫂合照呀,希望快啲再合作拍下一套!」

文:影視組

贊助商:

討論:
分享: