周慧敏做嘢自己話事


2016-10-30 07:00

跟蹤提及過的人和物:

上一則新聞: 李妮唸聖經 解「畀鬼責」

 

「玉女掌門人」周慧敏(Vivian)昨日出席為敍利亞難民籌款的慈善步行活動,在台上分享去年到約旦及黎巴嫩探訪的難忘事。她表示在當地逗留了個多星期,雖然當地危險,但她卻沒有買保險,感恩能安全回港。其夫是否支持她?Vivian說:「佢好少阻止我做嘢,唔使問佢批准,但會事先講。(下次同埋佢一齊去?)每人有唔同支持方式,我係藝人所以用影響力同社會互動,佢係普通人可能用捐錢方式。」

提及好友關淑怡日前離奇墮海,Vivian睇到新聞後有跟對方聯絡慰問:「佢都有報平安。(佢情緒有問題?有傳佢失戀?)傳聞我唔comment,我哋傾工作或其他嘢,傾啲開心事,內容係乜就唔講太多。」

贊助商:

討論:
分享: