否認《溏心3》告別作 黃宗澤:就嚟死咩?


2016-11-16 07:00

跟蹤提及過的人和物:

上一則新聞: 甄子丹荷里活打手印

 

近200位無綫藝人前晚出席節目巡禮宣傳明年節目,騷後眾星受訪,黃宗澤被傳將約滿無綫,他未肯透露動向。問到《溏心風暴3》是否其告別作?他笑說:「就嚟死咩?就算唔喺無綫,大家都會保持良好關係,真係好有感情,我第一份工就喺呢度。內地工作叫價係好吸引,但唔可以全力喺內地嘅。」蕭正楠及王浩信是明年最多劇拍的小生,問到可覺攞獎機會較大?浩信直言想獲獎,阿蕭則說:「我哋唔勤力會被後起之秀爬頭,好似曹永廉一怠慢就畀人追上嚟!」

另外,吳業坤被性感打扮的孫慧雪、陳芷尤、朱智賢、陳婉衡及陳煒圍着合照,有網友笑他被五條事業線照住,事業運必定暢旺。

贊助商:

討論:
分享: