黃宗澤收埋五個老婆唔驚催婚


2016-11-17 07:00

跟蹤提及過的人和物:

上一則新聞: 馬海倫賣碧瑤灣 帳面賺728萬

 

藝人黃宗澤(Bosco)與衛詩雅昨日在東港城出席聖誕大型擺設揭幕活動,車癡Bosco豪擲半百萬購入美國60年代古董車,更笑言有五個「老婆」在停車場!衛詩雅則自爆與拍拖3年的男友分手,準備搬離愛巢。

藝人黃宗澤與衛詩雅昨日在東港城出席《東港城X變形金剛―基地保衛戰》活動,與新鴻基地產代理有限公司租務部助理總經理吳小偉先生主持揭幕儀式。擔任揭幕嘉賓的Bosco與衛詩雅將變形金剛砌成一架車,見詩雅雞手鴨腳,要Bosco出手幫忙!

Bosco表示很喜歡變形金剛,卻未有收藏,身為車癡的他又自爆花費半百萬從美國購入古董車Musclecar,費用不包括稅及運費,暫時未知總價,新車目前在運送來港途中,他說:「係六十年代,唔係限量版,但香港少見,仲搵人改成右軚。(養車係咪好貴?)原來維修起嚟仲簡單,因為係機械唔係電子,有零件就得。」

女伴上車要小心!



Bosco購入古董車後共有五架車,但全屬媽媽名下,問到會否予人「敗家」感覺?他說:「兒時夢想嚟(0架)!渴望多年!」他自言有強迫症,即使車身只有少許花都會立即維修,若女伴坐他的車壓力會很大,他說:「女仔啲高踭鞋Kick到我都會望一望!」又笑指已有五個「老婆」,所以不會被媽媽催婚。

衛詩雅甩拖搬竇



至於露背上陣的衛詩雅自爆與拍拖3年的男友已分手,她說:「分咗手幾個月,大家意念上唔一樣,係和平分手。(因為結婚問題?)未去到咁嚴重。」不過她指對方已昇華成為其「家人」,仍會相約看電影,她亦已準備搬離愛巢:「之前一齊住,佢已經搬咗,我下星期搬返去同家人住,大家都唔想喺嗰個地方住。」談到今年豈不是要過LonelyChristmas?她表示會在工作中過節。

文:影視組

贊助商:

討論:
分享: