政情:律師會刊物掀舌戰 何君堯任建峰互寸


2016-11-19 07:00

跟蹤提及過的人和物:

上一則新聞: 政情:離任未換廣告牌 葉國謙冒認議員?

 

香港律師會刊物最新一期封面故事係五位身兼律師嘅立法會建制派「新丁」,法政匯思召集人任建峰批評有份上封面嘅何君堯,利用刊物當政治推廣工具。何君堯就反駁指封面人選係刊物編輯決定,又話期望見到任建峰有朝一日上到封面,即係暗寸任建峰唔係立法會議員喇!

質疑作政治宣傳



惹起爭議嘅封面故事名為《立法會新當選律師議員》,受訪者仲有周浩鼎、張國鈞、容海恩及吳永嘉,話題包括從政原因、任內目標同埋議員工作等。任建峰撰文質疑,身為律師會理事同前會長嘅何君堯,利用律師會資源為建制盟友做政治推廣,狠批佢連最基本嘅政治避嫌都唔識,做法令業界蒙羞。

何君堯就反駁指,專訪題目同受訪人選由刊物編輯決定,佢無權亦唔可能干預,「可能下期輪到楊岳橋呢?」他又指訪問唔涉及政治宣傳,仲反譏話希望任建峰有朝一日都上到封面喎!

贊助商:

討論:
分享: