《幕後玩家》拋棄龔嘉欣 黃宗澤被鬧爆世紀賤男


2016-11-24 16:26

跟蹤提及過的人和物:

上一則新聞: 爆男友求婚過程 王君馨 ︰其實有啲嬲嬲豬嘅!

 

前日無綫台慶劇《幕後玩家》,憑 龔嘉欣 一幕哭成淚人戲份成為城中熱話,而昨日播出的第23集中,劇情繼續令觀眾睇到咬牙切齒!小三劉佩玥 (Moon) 竟然踩上靈堂,激到飾演黃宗澤 (Bosco) 家姐的莊思敏忍唔住摑咗佢一巴;而一直想同阿Moon斬纜的Bosco最後竟然決定拋妻棄女,被網民封為「世紀賤男」!咁究竟最後小三會唔會登堂入室呢?崩潰痛哭感動觀眾《幕後玩家》龔嘉欣演技大躍進王君馨爆男友求婚過程

爆男友求婚過程 王君馨 ︰其實有啲嬲嬲豬嘅!

陀B五個月 42歲周汶錡宣布再懷孕靈堂踩場

劇中Bosco媽媽因車禍身亡,設靈期間,小三阿Moon竟然自己頭戴白花,以家屬身份行入靈堂,令飾演Bosco家姐的莊思敏大為憤怒。兩人糾纏期間,阿Moon一句「我唔會走」,令莊思敏激動得大大力摑咗佢一巴!劇情真係一日比一日緊湊,令觀眾睇到非常肉緊!

繼續搵小三

Bosco表面上一直都諗住以家庭為先,打算撇甩劉佩玥,同老婆好好生活下去。但佢背後竟然繼續搵小三,仲對阿Moon講︰「屋企對我嚟講係好重要,但原來我最唔捨得嗰個係你」而真係豈有此理!

 

 

惡夢的開始

其後一家三口去加拿大途中,龔嘉欣終於心軟下來,打算俾機會兩人去到加拿大重新開始。Bosco聽後不發一言,只係親吻着太太… 應該係最後一次?

親吻過後,Bosco竟然語出驚人話︰「我會繼續照顧Emma (劉佩玥飾) 同佢BB,我唔會同佢分開… 我真係唔忍心叫Emma落咗佢,個BB真係無辜。Sorry,我希望你可以理解。」理解?點理解呀大佬?

你算甚麼男人?

呢一趟加拿大之旅,根本唔係甚麼家庭旅行,而係Bosco借機送走龔嘉欣母女,自己就可以與小三在香港相宿相棲。Bosco竟然仲可以大條道理咁話︰「其實我真係好想你留喺我身邊… 如果你接受Emma」之後仲話已經為女兒心心在加拿大搵好學校,龔嘉欣根本冇得揀!小編睇到呢幕真係要借周董一句歌詞︰你算甚麼男人?算甚麼男人?

除了哭,還是哭

又嬲又傷心的的龔嘉欣隨即想一巴打落Bosco度,不過又唔想驚動心心,不過想到以後要與心心兩人相依為命,唯一可以做的,就係攬住個女爆喊!戲集播出後,Bosco被觀眾插到飛起,鬧爆佢係「人渣」、「賤男」!

劇集播出後, Bosco於Instagram大讚劇中老婆龔嘉欣演技出色,更指台慶攞獎後要請食飯!

全文完

崩潰痛哭感動觀眾《幕後玩家》龔嘉欣演技大躍進

贊助商:

討論:
分享: