陳彥行爆《皆大歡喜》不和


2016-11-24 07:00

跟蹤提及過的人和物:

上一則新聞: 千嬅遺傳基因 囝囝唔黐家

 

藝人陳彥行昨日聯同多位男藝人包括:邵仲衡、黃光亮、張松枝、艾威及林利,為電台劇集進行開鏡,她笑言:「第一次畀咁多男人圍!」而大合照時黃光亮更邊拍照邊食香蕉,還問隔籬的陳彥行吃不吃。與一眾男星拍戲,陳彥行稱:「只要一多女人,自然是非多,拗撬多。(如當年《皆大歡喜》有傳趙學而和梅小惠鬧不和,當年你就夾喺兩人中間?)其實你哋有冇人留意,我戲入面通常都喺佢哋嘅中間,呢個已經係最大提示。(有冇做佢哋和事老?)我係佢哋嘅後輩邊有資格,佢哋兩個大人大姐自己解決啦,基本上唔會因為佢哋嘅矛盾,而企喺任何一邊。」

另外,問到黃光亮為何拍電台劇集都不返無綫拍《老表3》?黃光亮笑言:「唔知點解喎,好玩啲啩。鍾意呢度可以講嘅對白空間大啲,好舒服。(拍無綫劇唔舒服?)改對白都唔得,會畀編審投訴,所以創作空間係會細啲。(有怨氣?)冇怨氣,做人係要有規有矩,但嗰邊嘅規矩唔係好適合我。」

贊助商:

討論:
分享: