周汶錡追到女為止


2016-11-25 07:00

跟蹤提及過的人和物:

上一則新聞: 胡敏珊再搞生意落區Sell客

 

現年42歲的名模周汶錡(Kathy)宣布再度懷孕,佗B五個多月的她,去年7月才為法籍丈夫JulienLepeu誕下混血兒子Jacques(雷棨宇)。昨日Kathy現身中環為聖誕亮燈擔任主禮嘉賓,身穿黑色鬆身連身短裙,手腳纖瘦的她仍腳踏5吋高踭鞋,完全沒有孕味。佗雞BB的她未透露生雞仔定雞女:「仲一半半,因為上次Jacques都睇錯,以為係女,再check先知係仔,驚睇錯,唔講住。(今胎有乜唔同感覺?)一樣,好彩,冇唔舒服,冇轉口味,冇改脾氣,都係差唔多,係lucky。(可能都係佗仔?)冇乜所謂,老公話我應該唔止生兩個。(想追女?)生個女會完美啲,係仔嘅話都開心,可以同Jacques打交,一齊成長。(真係打算生三個?)生完呢個先,都要我肯生先得,總之最多生三個。」

想帶囝囝睇雪



Kathy指今胎是計劃之內,自言年紀不輕要及早計劃,雞B預產期明年3月,與兒子只相差20個月,名副其實兩年抱兩。問是否夾日子生雞B?她說:「有已經係bonus,再計日子就太貪心,冇特別夾生肖,老公都唔信,最緊要健康。」剛從外地返港的她,希望帶兒子過白色聖誕,又指他對將做哥哥似懂非懂,但囝囝學說話快、記憶力好。

另外,賭王三房兒子何猷啟昨現身中環,提到今日是賭王何鴻燊95歲生日,他稱昨日已跟父親切餅預祝,今日再送生日禮物:「我哋買咗份雕刻擺設,會再喺上面加啲嘢。(賭王催想要新抱?)邊有咁快,家姐先,不過冇催過。(聽日帶女友送禮?)佢唔喺香港。」

贊助商:

討論:
分享: