鍾楚紅:邊有人敢約我!


2016-11-29 07:00

跟蹤提及過的人和物:

上一則新聞: 徐小明領獎帶兒子見識

 

現年56歲的鍾楚紅(紅姑)單身近廿年,身邊不乏裙下之臣,但每逢與異性外出都被捕捉,連身邊助手都成為被傳對象,令到人人都驚,難怪紅姑坦言聖誕冇人敢約她,更唔恨拍拖!

天然大美人鍾楚紅昨日為韓國護膚品牌AMOREPACIFIC開幕活動擔任剪綵嘉賓,她表示選擇護膚品要求天然及不會用動物做實驗的品牌,自己在護膚品上花費不多。她更直言不敢打美容針:「好驚唔似自己個樣!(係咪好懶護膚?)睇得出咩?好多皺紋?我鍾意自然,唔理咁多,睇自己心態同生活態度,我太熱愛生活,唔注意塊面,我鍾意運動,唔夠瞓會做運動,血液循環,有光澤啲。(咩運動?)我鍾意行山。(約周潤發行山?)未有機會,佢太早行。」

冇拖拍唔好勉強



提到早前她透露要去耶路撒冷影相,會否聖誕節去?紅姑說:「唔會,有工作,會去旅行,影相要時間計劃。(會唔會帶團去影相?)唔敢,未夠班,自己影完自己睇。」問到聖誕節會否開派對?她表示看情形,坦言沒有男士約:「邊有人敢約我。(怕畀人影到?)我唔驚人哋都驚,唔係都話係,去邊都走唔過你哋對眼!」

問到是否去外地拍拖?紅姑則笑言叫大家猜測吓。至於是否恨拍拖?紅姑說:「係咪睇得出唔恨?冇都幾好,唔好勉強。(有人約唔敢出街?)唔敢喺街,又唔想喺屋企。(有冇合眼緣?)唔覺有,有都影咗,走唔甩。」她更笑言曾傳緋聞的助手Leo好抵得諗,但現在都怕怕!

文:名人組

贊助商:

討論:
分享: