陳曼娜女婿床照曝光舊愛爆有餡


2016-11-30 07:00

跟蹤提及過的人和物:

上一則新聞:

 

藝人陳曼娜的女兒鄭祖兒(Joie)與老公蔡朝旭(Dicky)上周結婚,隨即掀起桃色風波,前日爆出Dicky與內地女大學生金若希於街頭又攬又喊後,昨日再爆出二人「床照」,女方更暗示懷孕!昨日如常開工的Joie堅持清楚事件,力撐老公,還與Dicky拍拖食晏!至於Dicky承認曾跟金若希拍拖,但否認劈腿,並指對方疑似有孕絕對與他無關。

陳曼娜女婿蔡朝旭被揭與來自內地的女大學生金若希關係複雜,前日更被拍得於街頭親密攬腰,當時Dicky更除下婚戒,引來諸多揣測!其妻Joie縱受打擊仍力撐老公,任職牙醫的她昨午如常返中環診所,心情未受大影響,起初她見記者時避忌以手袋遮面,但之後大方受訪,於獨家訪問中還笑言這幾天跟Dicky仍然癡纏。

記:記者J:JoieD:Dicky

知道有「女仔」存在



記:心情點樣?同老公依家關係點?

J:唔回應喇。(沒甚表情)知道發生乜嘢事,遲啲會交代!事實嘅嘢係要講!

記:知唔知老公有呢啲糾纏同麻煩事?

J:遲啲會交代。

記:依家心情點?

J:心情OK,冇乜嘢。

記:Dicky話呢幾日同你仍然好癡纏!

J:(笑笑口)OK!心情冇乜嘢!

記:你識唔識個女仔?

J:知佢存在,但唔識佢!

記:老公交代晒?

J:係,有嘅,所以冇乜受影響。

記:結婚冇耐就發生呢啲事,係咪覺得唔係咁好呢?

J:(收起笑容)呢啲遲啲會講!

記:會唔會出面幫老公講?

J:唔會!

記:媽咪都支持?

J:支持,媽咪都好支持Dicky。

記:媽咪畀你老公101分喎!咁你畀老公幾多分呀?

J:都係咁啦!

昨午Joie外出後,於下午三時許與老公Dicky齊齊返診所,二人並肩快速步入大廈,未有停下受訪,未幾Dicky獨自離開。

記:你同「前女友」乜嘢關係?

D:之後再講。

記:曼娜姐話有證據喺手,可以公開證明你清白喎!

D:嗯!都有,畀少少時間我,我哋再同你哋交代!

金若希:小三有報應



另一邊廂,金若希昨日繼續追擊Dicky,她接受內地網站訪問時狂爆料,邊喊邊表示跟Dicky拍拖三年,由好友告知才得知他已婚,並力斥Joie才是第三者:「我不知道有這樣一個女人存在,我是對感情有潔癖的人,真的很惡心,我見到別人做小三,也會罵一、兩句有報應的……是她(指Joie)搶了我男友,她是小三,她才是第三者!真的惡心。」

最驚爆的是金若希懷疑已有身孕:「我五十天沒有來大姨媽了,我初初以為是累了,但我應該是懷孕了!」她又爆Dicky與Joie結婚當日,二人還通電話,翌日Dicky更到她的地方過夜,又指Dicky曾送千五萬的豪宅給她,亦見過她家長!

爆點陸續有來,網上流出Dicky與金若希的肉麻短訊及「床照」,短訊內Dicky坦言想念金若希,要不停看她的照片,金若希亦問:「要熬多久才能回到原來的日子。」網站更驚爆二人合照,除了Dicky出席金若希於中大的畢業典禮的合照外,更有床照,雖然二人有穿衣服,但關係明顯非一般。

「唔知經手人係邊個」



Dicky昨日在電話中受訪時承認曾跟金若希拍拖,但表示被陷害,並就對方言論作出澄清。

記:金若希話Joie係第三者!

D:呢啲唔係事實,我有晒證據,畀少少時間我整理!

記:驚唔驚佢繼續爆料?

D:我知佢一日之內做咁多嘢,清者自清,太太同外母都信任我。

記:有晒合照仲有埋床照喎!

D:唔……呢啲係之前嘅事,你都會同幾年前嘅女友影相啦係咪!總之已經分手好耐。

記:想澄清同金小姐分咗手先同Joie一齊?

D:係啦!

記:有相片顯示你哋2015年4月仲有合照,似乎同Joie拍拖近兩年嘅時間重疊?

D:日期係佢捏造o架!佢(私底下)向我認咗!佢話唔知Joie存在,係講大話,舊年年底我求婚有咁多報道出咗,佢喺香港點會唔知。

記:金若希暗示有BB喎!

D:絕對唔關我事,唔知佢經手人係邊個!

記:點解釋你婚後仲約金若希出嚟?仲有身體接觸?

D:佢利用我,畀個氹我踩!譬如你前度話佢情緒好Down,睇唔開,話同男友分開咗,人命一條,正常人都會義無反顧出去啦!

記:點解會去銀行仲拉拉扯扯?

D:佢係喺銀行喊,話同男友嗌交,其實我一早話要走,之後去銀行處理自己嘢,佢仲跟住我,明顯有企圖啦!佢仲入嚟大吵大鬧。

記:金若希爆料話你婚後同佢過夜喎!

D:冇可能!總之我有晒證據,遲啲再同大家詳細講!

不過,金若希對於街頭嗌交一事有另一版本,她表示當知道Dicky背她結婚後,即想沒收對方電話,碰巧Joie此時來電,金若希想聽電話,卻被Dicky出手阻止。

昨日傍晚六點半,Dicky再度到Joie診所門口接太太收工,見到記者守候時表現鎮定,表示心情輕鬆不怕被爆料,並指事件沒有動搖外母陳曼娜對他的信心:「呢啲嘢係虛構嘅,我哋好團結!」再重申金若希疑似有孕跟他絕對無關,說畢步入診所,並於七時許發短訊給記者表示已跟太太離開。

文:影視組

贊助商:

討論:
分享: