翠如被劉佩玥殺死爆高收視


2016-12-13 07:00

跟蹤提及過的人和物:

上一則新聞: 楊千嬅睇完學友慚愧反省

 

無綫劇集《幕後玩家》大結局收視報捷,最高收視達28點,最高一刻是劉佩玥狠狠多刀刺死黃翠如一幕,觀眾萬萬預料不到,相當驚喜。而劇中演員蕭正楠及龔嘉欣等對每一個角色都備受注目而感到開心。

黃宗澤、黃翠如、蕭正楠、張繼聰、龔嘉欣及劉佩玥等主演的無綫電視劇集《幕後玩家》一直口碑及話題都不少,由之前一個輕鬆略帶搞笑位的劇,張繼聰衰格爆抵死對白、到黃宗澤與兄弟反目變奸、再到原來背後控制大局的是黃翠如,最後翠如更被劉佩玥狠刺多刀致死,都相當精彩!此劇上周五大結局,成績相當不俗,平均收視26點,最高收視更有28點(180多萬觀眾人次收看),最高一刻於晚上九時廿九分,就是劉佩玥用刀殺黃翠如那出人意表的一幕,令觀眾驚喜萬分,收視亦比之前一周高了4.6點。

嚇親朋友



劇中主要角色之一蕭正楠坦言對收視感滿意,因為劇集有不少觀眾討論,證明有不少觀眾追看,每個角色都有特別之處,成為熱話:「有好多觀眾會喺myTVSUPER點擊睇番,到時整體收視可能會更加高,所以都好開心。」而大結局最高收視一幕在劉佩玥用刀殺翠如,劉佩玥接受訪問時說:「啲朋友話唔好得罪我,驚我捅佢哋幾刀,又話我個樣好狠,殺翠如殺得好,自己都有種莫名興奮。上次大結局飯局黃宗澤不在港,我哋冇一齊食,希望慶功時佢喺香港,咁就大家一齊食飯。」

「依家冇人叫我龔嘉欣」



另外,無綫方面接到14宗投訴,指劇集沒有交代陳煒及龔嘉欣的角色下場,監製陳維冠坦言劇情已交代陳煒要接受調查、嘉欣就跟鄭子誠去做義工。龔嘉欣受訪時說:「呢套劇我哋個個都好畀心機,所以有咁嘅成績、口碑,我哋都好滿意。(觀眾投訴冇交代你點?)交代咗我同鄭子誠、阿聰佢哋一齊去做義工,好開心觀眾咁鍾意呢個角色,依家喺街冇人叫我嘉欣,都係叫我劇入面個名Carman,個角色咁深入民心,都開心嘅!」

文:影視組

贊助商:

討論:
分享: