王君馨打到嘔龔嘉欣喊出信心


2016-12-15 07:00

跟蹤提及過的人和物:

上一則新聞: 王菲年底騷與霆鋒「合作」

 

今年無綫台慶頒獎禮男、女配角之爭可謂比其他獎項來得更激烈,王君馨與龔嘉欣齊出「苦肉計」爭獎,角逐男配角的曹永廉及楊明則較為「內斂」,以平常心看待。

王君馨(Grace)及龔嘉欣於今年台慶頒獎禮獲提名為「最佳女配角」,分別憑「慘情打女」花曼及「爆喊大婆」程思汝而被睇高一線!Grace憶述為演活劇集《城寨英雄》花曼一角的辛酸史,包括束腰數月至20.5吋腰、拍打戲前捱餓、甚至拍到入醫院等。她說:「我未發育前都21吋腰啦,我有時真係抖唔到氣,食嘢又頂住個胃。有次拍打戲一食飯就會嘔番出嚟,所以不停飲可樂提神。我拍完即刻入咗院,原來喉嚨同個胃都發炎。」

曾患抑鬱症



入行九年半的Grace坦言入行初期不適應環境而患抑鬱症,其鬼妹仔的熱情竟被批評作狀,但花曼一角令她重拾自信,故渴望得獎以證明努力沒有白費:「我真心唔知幾時會有下一個花曼,經歷咗花曼呢個角色令我成長,無論前一晚我喊咗幾多,幾想放棄都好,一着上戲服就要變得好自信。」有了代表作的她決定下年結婚,覺得婚姻不會妨礙事業,但希望遲幾年才生B:「我發覺依家先開啟演員嘅世界,我想一路進步,所以希望遲多幾年先有BB。」

演技未完美



至於入行八年的嘉欣憑於劇集《幕後玩家》的出色喊戲被觀眾力讚,她自爆為此喊到眼皮都損埋:「直頭喊到眼痛,可能眼淚太鹹。」雖然被讚喊得淒涼,但嘉欣謙稱仍未夠完美:「我覺得爆喊嗰幕做得最差,因為喊到唔係好講到對白,所以之後見大家討論都覺得感覺唔真實。」談到她與Grace被視為女配大熱,嘉欣說:「每個演員都有優秀嘅地方,冇得比較。我一定要對自己有信心,因為做事冇信心會令工作做得唔好。」

文:影視組

王君馨化妝及髮型:StephenLai、[email protected]

服裝、鞋履、首飾:KarenMilen、Louboutin、DearestGrace

贊助商:

討論:
分享: