《玄學星相》:王君馨龔嘉欣行5年大運升呢做阿姐


2016-12-21 07:00

跟蹤提及過的人和物:

上一則新聞: 蘇麗珊處女配音走入卡通世界

 

無綫藝人龔嘉欣、王君馨、劉佩玥、滕麗名與楊秀惠最近人氣急升,究竟她們是否有機會擔正做女主角?事業發展又會否愈來愈順利?最新一集東網巨星娛樂節目《玄學星相》請來堪輿學家李居明,以玄學角度探討她們的事業運。

龔嘉欣在無綫劇《幕後玩家》一喊成名,王君馨在《城寨英雄》演打女深入民心,滕麗名則憑《一屋老友記》「寶欣」一角再次備受關注,李居明指她們統統會行5年大運。當中龔嘉欣在《萬千星輝頒獎典禮2016》勇奪「最佳女配角」,現時她已踏入行大運的第一年,李居明說:「未來4年佢係紅遍半邊天,我睇好佢未來4年大紅大紫,其中2018年可以話係阿姐級,去到頂峰!」

至於奪「最受歡迎電視女角色」的「花曼」王君馨,李居明稱她為最具潛質女藝人,他說:「我好高興睇到王君馨嘅八字原來由今年開始會行5年大運,喺呢5年入面,佢去到2018、2019年差唔多係橫掃,終於等到佢出頭,我哋期盼住未來5年係王君馨嘅天地!」他又推算滕麗名是圈中小富婆。

劉佩玥繼續姣上位



劉佩玥和楊秀惠都飾演風情萬種的角色,問到這類角色是否適合她們?李居明指劉佩玥八字多水,即桃花旺,故適合繼續飾演桃花重的角色,楊秀惠則行正「辰土運」,他說:「呢個運代表佢仲有兩年要做第三者或者風情萬種嘅女人,呢個係佢戲路,呢兩年都係呢啲角色,過多兩年後,佢先至有10年係扶番正。」以上五位女星都各有特質,又是好戲之人,究竟怎樣做才可登上女主角寶座?想繼續聽師傅點講,就要Click入東網巨星睇《玄學星相》喇!

【https://goo.gl/SqYaAB】

文:專案組

贊助商:

討論:
分享: