伍允龍負傷拍戲劉佩玥勁欣賞


2016-12-22 07:00

跟蹤提及過的人和物:

上一則新聞: 黎明冇贈金句傍身JC處女擸獎

 

藝人伍允龍(Philip)與緋聞女友劉佩玥(Moon)前晚在頒獎禮上勇奪「人氣電視螢幕情侶」獎,兩人坦言首次奪情侶獎,Moon說:「網上同出街嘅反應都好好,大家見到我都問貓仔(伍允龍在《城寨英雄》的角色)點解唔一齊?套劇嘅餘溫仲未散,好開心。(順應民意喺埋一齊?)大家要將現實同戲分清楚。」Philip開心說:「證明我哋做得OK!(咁你自己分唔分得清?)我哋係朋友。」Moon強調若拍拖必定會公開:「就係好朋友先可以Last到咁耐。」問到兩人可有發展機會?Philip保留說:「呢個世界乜都有可能。」

早前右手骨折的Philip透露聖誕要跟甄子丹拍戲:「未好番,最少要35日先好番,不過我前日已經拍咗打戲,但盡量用多啲左手同腳。」Moon即大讚他專業:「佢自己親力親為。(好欣賞佢?)不嬲欣賞佢,佢拳拳到肉。」

贊助商:

討論:
分享: