中環出更:泛民區議員拜梁美芬為師


2016-12-24 07:00

跟蹤提及過的人和物:

上一則新聞: 中環出更:鄭泳舜拍住拖 工展會辦年貨

 

唔少人工作咗一段時間都會讀書自我增值,公民黨(公文袋)東區區議員鄭達鴻(阿達)就因為當區居民對法律諮詢服務需求大,索性去香港城市大學修讀兩年制法律博士課程。阿達話,雖然黨內唔少人都有法律背景,不過都冇喺城大法律系任教,而佢必修嘅憲法課程就由喺城大教書嘅建制派立法會議員梁美芬任教,咁咪變相要拜梁美芬為師?

修讀法律課程撞到正



公文袋成日畀人叫大狀黨,事關黨內唔少人都係律師、大律師,作為非法律背景嘅黨員都幾大壓力。阿達話,因為黨內氛圍加上區內需要,今年九月佢都開始修讀兩年制法律博士課程,至於遲下有乜發展就未知住。問到佢會唔會搵黨內資深大律師問書,佢就話自己讀嘅係簡單嘢,暫時唔需要勞煩到「大佬」。

好多人讀城大都會上梁美芬嘅堂,阿達話,佢今個學期都修讀咗梁美芬教嘅憲法課程,梁美芬着重教《基本法》立法初期嘅原意,亦好鍾意引用基本法委員會委員嘅說話。見阿達侃侃而談,似乎佢都好努力讀書。除咗讀書,阿達最近亦開始出任黨內副秘書長,咁上進,莫非佢想鋪路做公文袋明日之星?

卓妮

贊助商:

討論:
分享: