呂晶晶BBQ見家長陸詩韻愛同居關係


2016-12-24 07:00

跟蹤提及過的人和物:

上一則新聞: 洪永城馬國明情敵檔倒數

 

聖誕佳節,兩位單身靚女呂晶晶與陸詩韻(Sharon)雖曾在愛情長跑上受傷,但承認有追求者,更希望來年感情開花結果,二人不約而同認為拍拖不用太長,最重要是錫自己。

晶晶的母親今年難得由杭州來港度聖誕,晶晶相約數名好友及追求者到家中燒烤,順道讓母親過目:「好重視媽咪意見,但當然最後決定嗰個係我。」她認為聖誕是浪漫節日,希望覓得真命天子度佳節:「想拍拖,我都到咗適婚年紀,只要Timing啱,唔排除會閃婚。之前拍過四年幾拖,但都係分手,如果真係結婚,拍拖頭兩年就會結。」她表示擇偶不會看重外表,認為最重要是溝通、心地善良及孝順:「要深入了解對方,有共同話題,所以要多啲見面先得。(接受唔到長距離戀愛?)唔可以!同初戀男友就係長距離,當時年代又未有手提電話,最後維持咗年半就分手,太辛苦,經常見唔到都唔似拍拖。」工作方面,她透露明年將拍攝劇集《隱世者們》續集,繼續做打女。

何紫綸目標要生仔



至於本月29日36歲生日陸詩韻獲名模兼娛樂公司老闆何紫綸提早慶祝兼食聖誕大餐,她願望是身體健康及工作順利:「生日要開工,因為好意頭,愈做愈有。(感情?)了解中,唔想再嘥時間,唔介意只同居,要生小朋友先結婚。」她坦言2016年過得一般,投資的生意都未有收穫,並透露明年會返無綫拍劇。而何紫綸則指今年是豐收年:「實現夢想有自己公司,而且出咗人生第一本自傳教人扮靚,下一個目標就係生仔。」

呂晶晶場地:apm

髮型:[email protected]

文:名人組

贊助商:

討論:
分享: